ఓంకారశ్రీ పేరుతో బియ్యం కార్డు
అవనిగడ్డ గ్రామీణం, న్యూస్‌టుడే : కుమారుడి పేరును కార్డులో చేర్చమని కోరితే.. ఏకంగా బియ్యం కార్డునే మంజూరు చేశారు రెవెన్యూ శాఖ అధికారులు. ఈ సంఘటన అవనిగడ్డ మండలంలో వెలుగుచూసింది. పాత ఎడ్లంక గ్రామానికి చెందిన మైలా నాగరాజు-మాధవి దంపతుల కుమారుడు ఓంకారశ్రీ. ఈ ఏడాది ఏప్రిల్‌లో తమ కుమారుడి పేరును రేషన్‌ కార్డులో నమోదు చేయాలని గ్రామ వాలంటీరుకు విజ్ఞప్తి చేశారు. కొద్ది రోజుల తరువాత బాలుడి పేరుతో రేషన్‌ కార్డును ఆ వాలంటీరు వారికి అందజేశారు. ఈ క్రమంలో ఏప్రిల్‌లో కరోనా సాయంగా రూ.1000తోపాటు బియ్యం కూడా బాలుడికి మంజూరయ్యాయి. వాటిని ఆ కుటుంబ సభ్యులు తీసుకోలేదు. తమ కార్డులో పేరు చేర్చమని పులిగడ్డ సచివాలయ సిబ్బందికి అర్జీ పెట్టినా స్పందించలేదు. పాఠశాలలో అమ్మఒడి పథకానికి తమ కుమారుడిని అనర్హుడిగా పేర్కొనడంతో మీడియా దృష్టికి తీసుకొస్తున్నట్లు తెలిపారు.